Karti hoon fariyad hey ambe

Jai Mata Di



Karti hoon fariyad hey ambe, vinti suno sawali ki

Sabhi muradein kar de poori, jai ho sheranwali ki



Dhan jan se poorna karo ambe, ye sukhi mera parivar rahey

Lakshmi maiya kripa karo, ghar daulat ka bhandar rahey

Aya na koyi tere darr pe, jholi lekar khaali ji

Sabhi muradein kar de poori, jai ho sheranwali ki



Rog wa bhayay se mukt karo ma, sarey ye parivar ko

Dhoop deep naivaedhya charaungi maein mangalvaar ko

Meri bhi raksha kar ambe, sabki tu rakhwali ji

Sabhi muradein kar de poori, jai ho sheranwali ki



Shakti daati maang rahi hoon, aisi ambe shakti doa

Rome-rome mein tumhi samao, charnon ki ma bhakti doa

Teenon lok mein na jagdambe, tum jaisi upkari ji

Sabhi muradein kar de poori, jai ho sheranwali ki



Sabhi grahoan ko doour karo ma, pal bhar na tikney payey

Jo bhi ambe aankh dikhaye, kshan bhar mein gayab ho jayey

Mere ghar mein sada virajo, rakshak ban ker kali ji

Sabhi muradein kar de poori, jai ho sheranwali ki



Vidya budhdhi bal de ambe, itna jagat mahan banun

Lekhak kavi gayak ban ja un shanti ka nirmaan karun

Jug mug jug mug karte jis pe drishti daali ji

Sabhi muradein kar de poori, jai ho sheranwali ki