Jai Mata Di
Tera adbhut roop nirala, aaja meri naina mayi e
Tujh pe tann mann dhann sub vaaroon, aaja meri naina mayi e
Sundar bhavan banaya tera, shobha teri nyari
Neeke neeke khambey lagey adbhut chitrakaari
Tera rang-biranga dvara, aaja……………………………………………
Jhanjar aur mirdanga baaje aur baaje shehnayi
Turayi nagara dholak bajey tabla shabda sunayi
Tere dvar pe naubat baje, aaja……………………………………………
Peela chola jarad kinari lal dhvaja fehraye
Sirr soney da mukut viraje nigaah nahin thehraye
Tera roop na varna jayey, aaja……………………………………………
Paan supari dhvaja nariyal bhent tihari laagey
Baalak boorhey nar-naari ki bheerh khari tere aagey
Teri jai jai kaar manayey, aaja……………………………………………
Koyi gaayey koyi bajayey koyi dhyaan lagayey
Koyi baitha tere aangan mein naam ki taer sunayey
Koyi nritya karey tere aagey, aaja……………………………………………
Koyi maangey beta beti kissi ko kanchan kaya
Bhakton kripa teri maangey, aaja……………………………………………
No comments:
Post a Comment