Jai Mata Di
Jugjanani ma daya karo
Bhay-bhanjan hai naam tera
Tere darr se koyi sawali
Kabhi na khaali hai gaya
Sharan tumhari jo bhi aya uska bera paar hua
Maati se wo ho gaya chandan pal mein hi udhdhar hua
Teri karuna ke sagar mein mann ka darpan dhul jaata
Mitt jaata agyan ka jaala gyan ka deepak jal jata
Jisne mann se tujhe pukara
Tuney sahara usey diya
Jugjanani ma daya karo……………………
Teri mamta ke sub bhookhey kya sachche kya jhoothey ma
Burey bhaley ye sabhi tumharey bagiya ke hain bootey ma
Tu hi janey juda juda kyon subko lakshan baantey ma
Koyi toa ban gaye phool kaliyan koyi baney hain kaantey ma
Teri maya tu hi jaaney
Kya hai kahan per khel kiya
Jugjanani ma daya karo……………………
Teri jot ki kiranon mein ma jo bhi jeev naha letey
Banke dhyanu shridhar wo bhi pyar tumhara pa letey
Sukh-dukh khushiyan amba maiya paas tumharey lekha hai
Kala tumhari ne hi khenchi har taqdeer ki rekha hai
Tu hi anhad tu hi ananta
Paar koyi bhi pa na saka
Jugjanani ma daya karo……………………
No comments:
Post a Comment