Jai Mata Di
Jai Shakti jai jai mahakali
Jai Shakti jai jai mahakali
Adi ganesh manaun dati, charnan sees navaun dati
Tere hi gunn gaun dati
Tu hi kasht mitavan wali, Jai Shakti jai jai mahakali
Khanda daein haath viraje, baein haath mein khappar saje
Dwarey tere naubar baje
Mundan maal galey mein dali, Jai Shakti jai jai mahakali
Mahakaal se raksha karti, dhan se sada bhandarey bharti
Dason ke dukhon ko harti
Saath firey karti rakhwali, Jai Shakti jai jai mahakali
Chand mund ka naash kiya tha, devon ko vardaan diya tha
Rakt beej ka rakt piya tha
Rakt danta kehlaney wali, Jai Shakti jai jai mahakali
Bhadra kali tu adh kanwari, maat vaishno singh sawari
Chandi amba jug mahtari
Chintpurni jwala balshali, Jai Shakti jai jai mahakali
Teen lok visthar tumhara, dason dishaon tera pasara
Jug sara boley jaikara
Jai jai uchchyan mandran wali, Jai Shakti jai jai mahakali
Sabhi devta tujhko dhyaven, tera hi stotr gaaven
Har mushkil mein tumhein bulaven
Tu hi vijay dilawan wali, Jai Shakti jai jai mahakali
Dasson ka tum khyal hi rakhna, mujhko bhi khushhal hi rakhna
Maiya mala mal hi rakhna
Sub ki aas pujaney wali, Jai Shakti jai jai mahakali
No comments:
Post a Comment