Jai Mata Di
Ey jagat janani durge tere darr pe ayey hain
Charnon mein kharey shradha se hum sirr jhukaye hain
Lakhon ka tumne kar diya maiya udhdhar hai
Kayi papiyon ko kar diya bhav se hi paar hai
Hota tumhare darr pe sada jai jai kaar hai
Charnon mein namaskar tere baar baar hai
Hain bhagya dhan hamare bhi darshan jo payey hain
Yeh sochti hoon bhent kya maiya charahoon maein
Mahima teri apaar hai kya gunn ko gaaoon maein
Shradha se heen kis tarah mukhra dikhaoon maein
Daati daya karo na khaali darr se jaaoon maein
Tere hi saamne toa ye daaman failayey hain
Hum bhatke huey rahiyon ko tum rasta bata doa
Jo bhool bhi kar baithey hain toa bhool bhula doa
Manzil pe hamari hamen jagdambe pahuncha doa
Hum aur kuch chahtey nahin tum darsh dikha doa
Her waqt teri raah mein yeh naina bichaye hain
Teri bhula di yaad thi jhuthey janjaal ne
Darr tera chorha tha iss duniya ki chaal ne
Niraash kar diya tha iss mann ke janjaal ne
Rakhkha tha tum se dooar iss dhan ke khayal ne
Ab tere aasrey pe hum sub kuch bhulaye hain
Jagdambe daya kar ke hamein darsh dikhana
Soyey huey jo bhaag hamare hain jagana
Daati gareeb bekason ke dukhrey mitana
Kaushal ki madat ko bhavani her samay aana
Paapi hain toa kya mata tere hi jaaye hain
No comments:
Post a Comment