Jai Mata Di
O jungle ke raja meri maiya ko leke aaja
Meine aas ki jot jagayi
Mere nainon mein ma hai samayi
Mere sapne sach tu bana ja
Meri maiya ko leke aaja
O jungle ke raja…………………
Har pal ma ke sung virajo dhanya tumhari bhakti hai
Shakti ka tum bojh uthathe gajab tumhari shakti hai
Tere sundar nayan katile o rung ke piley-piley
Meri ma ko mujh se mila ja
O jungle ke raja…………………
Pavan roopi ma ke pyare, chaal pavan ki aa jao
Devon ki aankhon ke taare, aao karm kama jao
Aa gehnon se tumhen sajaun paon mein ghungru pehnaun
Mein bajaun dhol aur baja
O jungle ke raja…………………
Paakey sammukh bholi ma ko dil ki baaten kar lun mein
Pyas bujha lun janmon ki aur khali jholi bhar lun mein
Ma ke charnon ki dhool laga lun, mein soya naseeb jaga lun
Mere dukh santaap mita ja
O jungle ke raja…………………
Ma kahegi beta mujhko, mein ma kehke bulaunga
Mamta roopi vardani se, var mukti ka paunga
Saari duniya se jo nyari, chavi sundar atal pyari
Uss ma ka darsh dikha ja
O jungle ke raja…………………
No comments:
Post a Comment